July Question & Answer’s Radha Soami Ji

July Question & Answer’s Radha Soami Ji
»»»»»»»»»»»»»»»»»»»»»»
Q:-1 Baba Ji main jab bhi aap ko dekhta hu
to mere rongte khade ho jaate hai, aisa
kiyu?
Ans:- Beta jab kuch bure karam kiye honge
tabhi to aisa hota hai. Bache apne maa
baap se tabhi darte hai jab koi galti ki ho..
Q:-2 Baba Ji aap aksar satsang main kehte
hai ki Malik ne Bhajan Simran karwa hi
lenana hai..
Ans:- Beta sahi hai Malik ne khud hi karwa
lena hai agar aap log nahi karoge to usne
dande se karwa laina hai (sangat sari
hassi)..
Q:-3 Baba Ji aap satsang main kehte hai ki
darshan bahut jaroori hai, bahar ke
darshan aur andhar ke darshan bhi.
Ans:- Dekho jo bahar ke darshan hai woh
ek jariya hai iss se hi andhar ke darshan
honge..
Q:-4 Baba Ji aap mujh se promiss karo ki
aap mujhe naam doge ,aur future main
kaisi bhi situation ho aap mera saath
doge…
Ans:- Beta har cheez ka time hota hai , jab
time aayga to naam daan bhi mil jayega..
Q:-5 Baba Ji aap aksar satsang main kehte
hai ki Naa koi Murakh Nahi Baigana Varte
Sab Main Tera Bhaana…
Ans:- Beta loha hota hai naa us se chahay
kuch bhi bana lo chaho to achi cheez ya phir
hathiyar bana sakte hai yeh aap ke haath
main hai…
Q:- 6 Baba Ji Aap kehte hai ki kisi dharm
sthan pe jao to waha se achi cheez hi saath
laani hai, main kuch din pehle gya ek
dharm sthan pe to wahan par non- veg
wagaira tha, jab ki bulleshah jaise sufi sant
ke saath un ka link tha…
Ans:- Dekho Beta hum ne kisi ki parakh
nahi karni , koi kya karta hai kare aap
apne aap ko daikho…
Q:-7 Baba ji mujhe ghar main aap ki yaad
bahut aati hai, mere in laws satsangi bhi
nahi hai, kya mujhe yeh janam pichle
karmo ke karan mila hai…

Ans:- Aap log positive kiyu nahi sochte, ho
sakta hai ki aap ko Malik ne us ghar main is
liye bheja ho ki wo bhi satsangi ban jaye,
aap itne ache ban ke dikhao ki unhe bhi
pata chale ki unki bahu kitni achi hai hai,
aur jaha wo jaati hai waha koi to taquat
hai aur wo bhi waisa hi banne ki koshish
kare..
Q:-8 Baba ji duniya main kitni corruption
hai, hum younger generation walo ko iss ke
liye kya karna chaiyae..
Ans:-Beta hum log kisi ko nahi badal sakte,
iske liye apne aap ko badlo na rishwat lo aur
na hi kisi kaam ke liye rishwat do dheere
dheere apne aap sab theek ho jayega..
Q:- 9 Baba ji aap aksar satsang main kehte
hai ki billi ko dekh kar kabuter aankh meet
leta hai is ka kya matlab hai..
Ans:- Beta kabutar yeh samjhta hai ki billi
ne use nahi dekha to woh issi chakar main
wo apni jaan gava leta hai..
Q:-10 Baba Ji jab kisi satsangi ke ghar
main death ho jaati hai to kya use bhi
duniya ki tarah reet nibhani chahiye..
Ans:- Dekho duniya ki reete jo bani hui hai
wo nibhao chahey na nibhao iss se kuch
phark nahi padta kiyo ki aatma to us
shareer se nikal chuki hai to shareer ko us
se kuch fayda hone wala nahi hai..
Q:-11 Baba Ji jab aap hamari age main the
to jab koi musibat aati thi to aap kiya hell
nikalte the..
Ans:- Mujhe musibat kyo aayi hogi bhai,
agar aap ko pata hai to bata do, jab Malik
hamare saath hai to darr kaisa,mai jab
yahan pehli baar aaya tha to un dino terro
rism ka time tha to mujhe kaha gya ki aap
ko yeh jacket pehnni padegi, maine 2 dino
tak to pehan li aur phir socha ki agar
marna hi hai to goli se hi mar jaate hai yeh
jacket to nahi pehani jaati..(sangat ek
damm chup)..
Q:-12 Baba Ji aap ke aage arz hai ki mere
gunah baksh do aur mujhe pyar do…
Ans:- Beta arzi aap ki aur marzi meri
chalni hai..(sangat hassi).
Q:-13 Baba ji jo satsangi ho kar pooja
paath karte hai, wart rakhte hai to uska
fayda hai…
Ans:- Beta wart jo rakha jaata hai wo
apna pet thik rakhne ke liye kiya jaata hai,
us se jyada koi fayda nahi hota. Pehle
aurat ko yeh kaha jaata tha ki tum agar
wart rakhogi to tumare pati ki umar lambi
hogi , agar aurat ke wart se hamari umar
lambi honi hoti to hum logo ne aurto ko kuch
khane ke liye nahi dena tha.(sangat
hassi)…
Q;- 14 Baba Ji Gobind kaun hai..
Ans:-g Beta Gobind naam hai, koi rabb keh
deta hai, koi waheguru keh deta hai, koi
allah………. Radha soami ji

Updated: July 21, 2019 — 8:21 pm
Baba Gurinder Singh ji © 2018 Frontier Theme